Jita de doi dis ai 1 y 2 de setëmber 2012 tla valeda de Schnals

Per chëst`ann se ons pensà de jì tla valeda de Schnals, cunesciuda per si biei luesc da paur, si cultura y bela natura ntëurvia. L prim dì, ruvei a Naturns cun la ferata, tulons la furnadoia che nes mëina a “Unterstell”, da iló jirons po a pe do l “Meraner Höhenweg” nfina Katharinaberg fajan 350m de deslivel  suvier y 380m juvier, ca. 2 ëura da jì. Da iló demez tulons la curiera nfina Karthaus ulache maion da marenda tla ustaria “Grüner”, daldò unirons menei tres l cunesciù “Kreuzgang Kartäuserkloster Allerengelberg”. Domesdì furnerons inant nfina Unser Frau in Schnals ulache l ie la puscibltà de fé l troi de meditazion nfin pra la dlieja de pelegrinasc, o de vijité l “Archeo Parc” che mostra coche la jënt vivova ai tëmps de Ötzi. Da sëira ruvei a Vernagt  nes aspieta na bona cëina tl “Hotel Vernagt” ulache albergion. L di do fajons na blòta raida di mejes ntëur al lech, ruvan pra l “Finailhof”(1952m)che ie pra i luesc plu auc de Südtirol, ulache l univa mo sentà blava. Iló possen nce se maië zeche da marenda. L sarà da jì ca.3 ëura cun n deslivel de 350m suvier y juvier.

Fajeron nosc viac cun mesuns publics

Pion via cun la curiera de linea:

dala 5.40 te Sëlva

dala 5.49 te S.Cristina

dala 6.00 a Urtijëi

Da paie ite iel: € 90 per chëi che a n Südtirolpass o Abo+ € 113 per chëi che ne a degun abonamënt ( tlo iel leprò l viac cun la mobilcard) Tl priesc iel laite: furnadoia , cëina, durmì y gusté.

Da se scrì ite iel dai 13 ai 17 de agost tla cassa Raiffeisen de Sëlva a Urtijëi da Werner Pitscheider.

Se ncunferton sun vosc uni pea

Per nfurmazions plu avisa pudëis cherdé su Doris 339/2997883 o Inge 338/9999531