La Lia per Natura y Usanzes met ino a jì l tradiziunel marcià bio

sada, ai 12 de utober sun Pitla Plaza S.Antone Urtijёi.
L blòt marcià, ulache paures bio (Bund Altenativer Anbauer y Bioland) dl Südtirol vënd si prudoc. Nce nëus dla Lia per Natura y Usanzes ve piton velch da maië y da bever: tëurtes y strudel fat nstës, pans ntegrei de uni sort, dut sambën fat cun prudoc biologics y leprò té, vin y soft ciaut. L bon tof da castanies pratedes ne mancerà y l stont dal craut sarà ënghe inò sun plaza. Chiche uel se mplenì si barijel o se njinië n barijel nuef, possa se lascé fé ju l craut da nosc esperc.
Scumencià vëniel dala nuef daduman y speron che truepes vënie a nes cri. Sce l tëmp juda mo mpue pea deventeral dessegur na blòta festa.
Sun Vosc unì se ncunforta: Karl, Engelbert, Manuela, Simon, Doris, Helmut y Inge
Prion bel de lasce i auti tla garasc Stazion